نو منتخب صدر میرپور چمبر آف کامرس اینڈ انڈسٹری فیصل منظور کی ایک اور اہم کامیابی۔ مظفر آباد میں سیکرٹری برقیات چوہدری محمد طیب سے ملاقات، آذاد کشمیر میں موبائل میٹر ریڈنگ کے آغاز کا اصولی فیصلہ۔ ملاقات میں صدر چمبر فیصل منظور نے مطالبہ کیا کہ چونکہ میرپور سب سے زیادہ ریونیو دینے والا شہر ہے لہٰذا موبائل میٹر ریڈنگ کا آغاز میرپور سے کیا جائے تاکہ عوام کی اوور بلنگ کی شکایات کا سدباب ہو سکے۔ سیکرٹری برقیات نے صدر چمبر آف کامرس اینڈ انڈسٹری فیصل منظور کا مطالبہ منظور کرتے ہوئے یقین دہانی کرائی کہ اس ضمن میں آئندہ چند ہفتوں میں عملہ کی ٹریننگ سٹارٹ کر دی جائے گی اور بہت جلد میرپور سے موبائل میٹر ریڈنگ کا آغاز کر دیا جائے گا۔ یاد رہے صدر چمبر نے حکومت سے موبائل میٹر ریڈنگ کا مطالبہ حال ہی میں ہونے والی (چمبر کی سالانہ اےجی ایم) جو کہ 20نومبر کو مقامی شادی ھال میں ہوئی میں کیا تھا۔ عوامی حلقوں کی طرف سے نو منتخب صدر فیصل منظور کی کاوشوں کو سراہتے ہوئے امید ظاہر کی ہے کہ صدر چمبر آف کامرس اینڈ انڈسٹری حکومت سے عوام کی فلاح و بہبود والے پروجیکٹ بھی منظور کروائیں گے۔